22 қаңтар күні колледжде “Жалпы білім беру” бірлестігінің ұйымдастыруымен Санжар Керімбайдың «ӨЗБЕКӘЛІ және МӘДЕНИ МАЙДАН» кітабының желісімен колледж оқытушылары арасында ИНТЕЛЛЕКТУАЛДЫ САЙЫС ӨТТІ.

ӨЗБЕКӘЛІ ЖӘНІБЕК - өткен ғасырдың 60-80-ші жылдары Қазақ КСР-нің көрнекті партия қызметкері, этнолог-ғалым, мемлекет қайраткері болған.

Ұлттық рухтың ұраншысына айналған Өзбекәлі қазақ мәдениетінің , тілінің, салт-дәстүрі мен әдет-ғұрпының жаңғыруына сүбелі үлес қосты.

Өзбекәлі өз заманында халық игілігі үшін радио, газет-журнал, театр мен музей ашқан ұлт жанашыры. Шәмші әндерін таратып қана қоймай, қазақтың ұлттық биін де жаңғыртты.

Өзбекәлі Жәнібек мәдениет министрлігіне келген бойда қазақтың сәулет ескерткіштерін қолға алды. Әсіресе, әулие кесенесі негізінде құрылған «Әзірет Сұлтан» қорық-музейінің құрылуына қосқан үлесі зор.

Сайыстың мақсаты - Өзбекәлі Жәнібектің өнер мен мәдениетке сіңірген еңбегін жас буын өкілдеріне таныстыру, оқытушылар арасында тарихи тұлғаның еңбегін көрсету және кітап оқуға құштарлықты ояту.

Сайыста колледж оқытушылары кітап бойынша сұрақтарға жауап беріп, жүлделі орындарға ие болды. Сайыс соңы кітап мазмұнын талқылаумен қорытыланды.